امید اے کہ بلے دا نشان واپس مل جائے گا،گوہرعلی خان

پشور(پنجابی میڈیاگروپ)پی ٹی آئی دے رہنما بیرسٹر گوہر علی خان نے آکھیا کہ اُمید اے کہ بلے دا نشان واپس مل جائے گا، اسیں عدالت دے ہر فیصلے نوں قبول کراں گے۔پی ٹی آئی دے رہنما بیرسٹر گوہر علی خان نے میڈیا نال گل بات کردیاں ہویاں آکھیا کہ پشور ہائیکورٹ نے 5گھنٹے سماعت کیتی،بدھ نوں باقی فریقیاںنوں وی سنیا جائے گا، اُمید اے کہ بدھ نوں فیصلہ وی آجائے گا۔بیرسٹر گوہر علی خان نے آکھیا کہ سپریم کورٹ سامنے اک آرڈر چینلج کیتا سی، اگر پشور ہائیکورٹ دا فیصلہ آندا اے تے سپریم کورٹ کیس دی فیر لوڑ نہیں، کسی پارٹی دے نال فی الحال کوئی اتحاد نہیں، وکیلاں دا وی حصہ اے اونہاں نوں وی ٹکٹ دیاں گے۔رہنما پی ٹی آئی نے ہور آکھیا کہ الیکشن کمیشن تے ساڈھے دلائل مکمل ہو گئے نیں، ساڈھا مقصد ملک نوں اگے لے کے جانا اے، جس نوں ٹکٹ ملے گا اوہی الیکشن لڑے گا باقی اوس دے حق وچ دستبردار ہون گے۔