الیکشن8فروری نوں ہی ہون گے،چیف الیکشن کمشنر

اسلام آباد(بیورورپورٹ)چیف الیکشن کمشنر سکندر سلطان راجہ نے اک وارفیراعلان کردیاں واضح کیتا اے کہ ملک بھر وچ عام الیکشن8فروری نوں ہی ہون گے۔الیکشن کمیشن دے اعلامیے مطابق چیف الیکشن کمشنر سکندر سلطان راجہ دی زیر صدارت الیکشن بارے اجلاس ہویا جس وچ چاراں صوبیاں دے چیف سیکرٹریاں،آئی جیاں تے سیکرٹری داخلہ سنے ہوراں رَلت کیتی۔اجلاس دے دوران چیف الیکشن کمشنر سکندر سلطان راجہ نے الیکشن دیاں تیاریاں بارے بریفنگ دتی۔بریفنگ وچ آکھیا گیا اے کہ الیکشن لئی سارے انتظام مکمل نیں، ہر قسم دی صورتحال نال نمٹن لئی وی تیاری مکمل اے، ملک دے کجھ حصیاں وچ تھریٹ الرٹس اے لیکن پُرامن الیکشن لئی کئی کسر نہیں رکھی جائے گی۔