الیکشن کرانا ساڈھی آئینی ذمہ داری اے: نگران وزیراعظم

اسلام آباد(بیورورپورٹ)نگران وزیراعظم انوار الحق کاکڑ نے آکھیا اے کہ الیکشن کراناساڈھی آئینی ذمہ داری اے تے الیکشن 8 فروری نوں ہی ہون گے۔غیر ملکی میڈیا نوں انٹرویو دیندیاں ہویاں نگران وزیراعظم انوار الحق کاکڑ نے آکھیا اے کہ پاکستان وچ عام الیکشن دیاں تیاریاں جاری نیں۔نگران وزیر اعظم نے آکھیا کہ الیکشن کرانا آئینی ذمہ داری اے جیہڑی نگران حکومت خوش اسلوبی نال انجام دیوے گی، عوام نوں ووٹ پان دا موقع فراہم کرنا ساڈھی ذمہ داری اے۔اونہاں نے آکھیا کہ الیکشن کمیشن الیکشن لئی آئینی تقاضے پورے کرچکیااے، الیکشن توں پہلے قیاس آرائیاں ہُندیاں نیں، الیکشمن دے دوران عالمی مبصرین وی پاکستان آن گے۔نگران وزیراعظم انوار الحق کاکڑ نے آکھیا کہ معیشت دی بحالی ساڈھی اولین ترجیح رہی اے، آئی ایم ایف دیاں شرطاں پوریاں کر رہے ہاں، اقتصادی اعشاریاں نوں صحیح پاسے گامزن کرن لئی معاشی اصلاح ضروری اے۔