پاکستان توںکلاشنکوف کلچرختم کرناپئے گا،چیف جسٹس

اسلام آباد(بیوروروپورٹ)چیف جسٹس پاکستان جسٹس قاضی فائز عیسی نے آکھیا اے کہ پاکستان توں کلاشنکوف کلچر ختم کرناپئے گا۔سپریم کورٹ وچ چیف جسٹس قاضی فائز عیسی دی سربراہی وچ3رکنی بنچ نے چوری دے الزام وچ نامزد ملزم کاشف دی ضمانت دے کیس دی سماعت کیتی۔سپریم کورٹ پاکستان نے ملک بھر وچ ممنوعہ اسلحے دے کنے لائسنس جاری ہوئے ایس حوالے نال متعلقہ حکام توں ساری تفصیل منگ لئی جدکہ سیکرٹری داخلہ، سارے صوبائی ہوم سیکرٹریاں تے انسپکٹر جنرل پلس نوں نوٹس وی جاری کردتے۔دوران سماعت عدالت نے اٹارنی جنرل، صوبائی ایڈووکیٹ جنرل نوں وی نوٹس جاری کردیاں ہویاں حکم نامے دی کاپی گھلن دی ہدایت کردتی۔چیف جسٹس قاضی فائز عیسی دوران سماعت ریمارکس دتے کہ جس دے گھر توں اسلحہ چوری ہویا پلس نے اوس توں لائسنس تک دا نہیں پچھیا، مالک خود اقرار جرم کررہیا اے،2کلاشنکوف تے اک پسٹل سنے ہور قیمتی شیواں چوری ہوہیاں’’مینوں وی آفر کیتی جاندی رہی تُسی کلاشنکوف دا لائسنس لوو‘‘بعد وچ سپریم کورٹ نے چوری اُتے نامزد ملزم کاشف دی50ہزار روپے مچلکیاں دے عوض ضمانت منطورکر لئی۔