8فروری نوں عوام دا فیصلہ ساہنوں قبول ہوئے گا،شہباز شریف

لہور(پنجابی میڈیا گروپ)سابق وزیراعظم و صدر مسلم لیگ ن شہبازشریف ہوراں آکھیا اے کہ مینوں ایس وچ کوئی شک نہیں کہ پاکستانی عوام پاکستان دی ترقی لئی اپنا حق استعمال کرے گی، 8فروری نوں عوام دا فیصلہ ساہنوں قبول ہوئے گا ۔سابق وزیراعظم شہبازشریف نے سینئر صحافیاں نال گل بات کردیاں ہویاں آکھیا کہ پاکستان مسلم لیگ ن نے اپنی الیکشن مہم دا فیصلہ کر لیا اے ، نواز شریف ، مریم نواز تے حمزہ شہباز مل کے ساریاں نوں اگے لے کے چلن گے ، ایہ الیکشن پاکستان دی تقدیر لئی فیصلے لئی اے۔سابق وزیراعظم نے آکھیا کہ نواز شریف دے دور وچ ملک ترقی وَل گامزن سی ، زراعت ترقی وَل گامزن دی تے 20، 20 گھنٹے دی لوڈ شیڈنگ ختم کیتی گئی سی، ثاقب نثارجیہڑا کہ اک مہرہ سی اوس دے ذریعے ساڈھی حکومت ختم کیتی گئی ، سالانہ جی ڈی پی وی ،6.2 توںاگے چلی گئی دی ، مگر اک سازش ہوئی تے ہرشے تباہ کر دتی گئی۔