عوام دا غصہ8فروری نوں نکلے گا،عمران خان

راولپنڈی(پنجابی میڈیاگروپ)بانی پی ٹی آئی عمران خان نے آکھیا اے کہ9مئی دے واقعے اُتے نگراں وفاقی حکومت دی نگرانی وچ تحقیقات نوں نہیں من دے، عوام دا غصہ 8 فروری نوں نکلے گا۔ راولپنڈی دی اڈیالہ جیل وچ قائم عدالت وچ صحافیاں نال غیر رسمی گل بات کردیاں ہویاں بانی پی ٹی آئی عمران خان نے آکھیا کہ9 مئی واقعے اُتے نگراں وفاقی حکومت دی نگرانی وچ تحقیقات نوں نہیں من دے،9مئی بارے کوئی آزادانہ انکوائری نہیں ہوئی۔9مئی بارے گل کر دیاں بانی پی ٹی آئی دا کہنا سی کہ نگراں حکومت، اسٹیبلشمنٹ تے الیکشن کمیشن ملے ہوئے نیں، جدوں تک جی ایچ کیو، جناح ہائوس تے ہور تنصیبات دی سی سی ٹی وی فوٹیج چوری کرن والیاں نوں نہیں پھڑیاںجانداحقیقت سامنے نہیں آسکدے، جس نے وی جلا گھیراکیتا اے اوس نوںپھڑیا جائے لیکن پہلاں آزاد تحقیقات کرائی جائے۔عمران خان نے آکھیا کہ اونہاں نے کور کمانڈر ہائوس لہور، جی ایچ کیو تے اسلام آباد ہائی کورٹ دی سی سی ٹی وی فوٹیجز ہی غائب کر دتیاں نیں، امریکا وچ کیپیٹل ہِل اُتے جدوں حملہ ہویا تے ملزماں نوں سی سی ٹی وی فوٹیجز دی مدد نال گرفتارکیتا گیا، ساڈھے کول ویڈیوزنیں جس وچ یاسمین راشد کارکناں نوں منعکر رہیاں نیں کہ کور کمانڈر ہائوس وَل نہیں جانا۔عمران خان نے ہورآکھیا کہ 80 فیصد فوج پی ٹی آئی دینال اے، ایہ جو مرضی کر لین، انتخابی نشان لے لین پی ٹی آئی نوںہرا نہیں سکدے، ایسی پری پول دھاندلی تریخ وچ کَدی نہیں ہوئی، اونہاں نے 8 فروری نوںوی دھاندلی کرنی اے، دھاندلی دے باوجود ضمنی الیکشن ہارن اُتے ایہ پی ٹی آئی نوں فیلڈ نہیں دے رہے۔ اونہاں نے آکھیا کہ میرا ہتھ عوام دی نبض اُتے اے، عوام دا غصہ8 فروری نوں نکلے گا۔بانی پی ٹی آئی نے اک سوال دے جواب وچ آکھیا کہ میری اک ہی ڈیل اے تے اوہ اے صاف شفاف الیکشن کران تے جمہوریت لیان، ایہ جو سوچ رہے نیں اوس نالملک نوں نقصان پہنچے گا، ایہ الیکشن نہیں آزادی دی جدوجہد اے، میں پوسٹل بیلٹ لئی اپلائی کر رکھیا اے،بانی پی ٹی آئی دا کہنا سی کہ سنیا اے اونہاں نے دفعہ 144 لا دتی اے، دفعہ 144 نافذ میرے اتوارنوںالیکشن مہم شروع کرن دے بیان دے بعد لائی گئی، دفعہ 144 صرف تے صرف پی ٹی آئی لئی لائی گئی اے، ہُن ویکھ لینا پی ٹی آئی نوں جلسے تے ریلیاں دی اجازت نہیں ملے گی، دفعہ 144 نواز شریف نے لگوائی ہوئے گی۔نواز شریف دے جلسیاں وچ تے کوئی آ نہیں رہیا، اوس دے جلسیاں وچ پی ٹی آئی دے نعرے لگ رہے نیں، نواز شریف خود تے گھر بیٹھے نیں کہ ایہ مینوں سلیکٹ تے کر رہے نین، کیمپین دی لوڑ ہی نہیں۔عمران خان نے امیدواراں لئی پیغام دیندیاں ہویاں آکھیا کہ سب تیار رہن، ایہ جس امیدوار نوںپھڑن گے اسیں اوس دی جگہ کسی ہور نوںکھڑا کر دیاں گے، ایہ عوام توں ڈرے ہوئے نین، ساڈھے امیدواراں نوں میری تصویر لان دی اجازت نہیں دتی جا رہی، ایتھوں تک کہ امیدواراںنوں قیدی نمبر 804 لکھندی وی اجازت نہیں اے۔جیہڑے ساڈھی پارٹی وچ نہیں رہے، اونہاں نوں ساڈھی تصویر لان دا کہہ رہے نیں، تحریک انصاف دے نال اوہ ہو رہیا اے جیہڑا پہلاں کڈی تریخ وچ کسی سیاسی جماعت دے نال ساتھ نہیں ہویا۔