عازمین حج دی تربیت 12فروری توں شروع ہوئے گی،وزارت مذہبی امور

اسلام آباد(بیورورپورٹ)وفاقی وزارت مذہبی امور نے آکھیا اے کہ عازمینِ حج دی تربیت دا شیڈول تیار کرلئیا گیا اے تے ملک وچ قائم7حاجی کیمپاں وچ69ہزار سرکاری عازمین دی تربیت 12فروری توں شروع ہوئے گی۔ترجمان وزارت مذہبی امور دے مطابق نویں تربیتی نصاب وچ مناسک حج دے نال نظم و ضبط تے انتظامی امور اُتے خصوصی توجہ دتی گئی اے تے ضلعی سطح اُتے تربیتی پروگراماں داانعقاد12فروری توں ہوئے گا۔اونہاں نے آکھیا کہ تربیت دا دُوجا مرحلہ رمضان المبارک دے بعد شروع ہوئے گا، عازمین حج اپنے قریبی مقامات اُتے حج تربیتی ورکشاپاں وچ رَلت کرن گے، عازمین نوں موبائل میسج تے حج ایپ ذریعے تربیتی شیڈول دی اطلاع دتی جائے گی۔