بانی پی ٹی آئی تے بشری بی بی نے وزیراعظم آفس دا غلط استعمال کیتا، توشہ خانہ کیس دا تفصیلی فیصلہ

اسلام آباد(بیورورپورٹ)احتساب عدالت اسلام آباد نے بانی پاکستان تحریک انصاف تے اونہاں دی گھر والی بشری بی بی دے خلاف توشہ خانہ کیس داتحریری فیصلہ جاری کردتا۔فیصلے وچ لکھیا گیا اے کہ استغاثہ اپنا کیس ثابت کرن وچ کامیاب رہی، بانی پی ٹی آئی تے بشری بی بی نے وزیراعظم آفس دا غلط استعمال کر دیاں ہویاں 1 ارب57کروڑ33لکھ20ہزار روپے دا مالی فائدہ لیا۔تفصیلی فیصلے مطابق بانی پی ٹی آئی تے بشری بی بی نوں غیر ملکی سربراہاں توں108 تحفے ملے، سعودی ولی عہد توں بانی پی ٹی آئی دی گھر والی نے گراف دا جیولری سیٹ بطور تحفہ وصول کیتا جیہڑا توشہ خانہ وچ رپورٹ تے ہویا لیکن جمع نہیں کروایا گیا۔فیصلے وچ بانی پی ٹی آئی تے بشری بی بی نوں14ورھے قید دی سزا سناندیاں ہویاںآکھیا گیا اے کہ جیل وچ گزاریا ویلا سزا وچ شامل تصور کیتا جائے گا۔