پی ٹی آئی دے5فروری نوں ہون والے انٹرا پارٹی الیکشن موخر

اسلام آباد(بیورورپورٹ)پاکستان تحریک انصاف(پی ٹی آئی )نے5فروری نوںہون والے انٹرا پارٹی الیکشن موخر کر دتے۔ذرائع مطابق پارٹی قیادت نے چیف آرگنائزر نال رابطہ کیتا جس وچ انٹرا پارٹی الیکشن ملتوی کرن دی درخواست کیتی گئی۔پارٹی ارکاناں نے وی الیکشن وچ مصروفیت پاروں انٹرا پارٹی الیکشن ملتوی کروان دی درخواست کیتی اے۔ذرائع مطابق پی ٹی آئی ولوں الیکشن2024 دے بعد انٹرا پارٹی الیکشن دا نوا شیڈول جاری کیتا جائے گا۔واضح رہے کہ تحریک انصاف نے پچھلے دناں انٹرا پارٹی الیکشن لئی شیڈول جاری کیتا سی جس دے تحت الیکشن 5فروری نوں ہونا سی لیکن ہُن پی ٹی آئی ولوں الیکشن ملتوی کردتا گیا اے۔رہنما پی ٹی آئی بیرسٹر گوہر دا کہنا اے کہ انٹرا پارٹی الیکشن بانی پی ٹی آئی دی ہدایت اُتے ملتوی کیتے گئے نیں انٹرا پارٹی الیکشن توں امیدواراں تے ووٹراں دی توجہ الیکشن توںہٹ سکدی اے۔