ووٹ قوم دی امانت، الیکشن وچ عوام وَل ویکھ رہے ہاں،فضل الرحمان

پشور(بیورورپورٹ)جمیعت علمائے اسلام (ف) دے سربراہ مولانا فضل الرحمان نے آکھیا کہ ووٹ قوم دی امانت اے، الیکشن وچ اسیں عوام ول ویکھ رہے ہاں۔ٹانک وچ جلسے نال خطاب کر دیاں ہویاں جمیعت علمائے اسلام (ف) دے رہنما مولانا فضل الرحمان نے آکھیا کہ8فروری نوں عوام نے حق سچ دا ساتھ دینا اے، ووٹ قوم دے مستقبل دا فیصلہ کردا اے،عوام دے مسائل حل کرنا اولین ترجیح اے ۔مولانا فضل الرحمان نے آکھیا کہ سیاسی جماعتاں نوں حق اے کہ اوہ اپنا نظریہ قوم سامنے رکھن، ہر سیاسی جماعت دا اپنا اپنا نظریہ اے، اسیں ہمیشہ تحمل تے استقامت نال سیاست کیتی اے۔اونہاں داکہنا سی کہ فلاحی ریاست وچ انسانی حقوق دا تحفظ ہُندا اے، فلاحی ریاست مضبوط معیشت تے امن بغیر ممکن نہیں، کیا پاکستان وچ امن تے روزگار اے۔