بانی پی ٹی آئی اُتے ہون والا ظلم کسی توں ڈھکیا چھپیا نہیں،حامد خان

اسلام آباد(بیوروروپورٹ)رہنما پاکستان تحریک انصاف(پی ٹی آئی)حامد خان نے آکھیا اے کہ بانی پی ٹی آئی اُتے ہون والا ظلم کسی توں ڈھکا چھپیا نہیں۔اسلام آباد وچ پریس کانفرنس کردیاں ہویاں حامد خان دا کہنا سی کہ بانی پی ٹی آئی نوںکئی مہینیاں توں پابند سلاسل کیتا ہویا اے، ساڈھی عدلیہ اپنا کم نہیں کر رہی، ایہ جیہڑا ظلم ہو رہیا اے کسی توں ڈھکیا چھپیا نہیں،جیہڑا پہلاں کَدی نہیں ہویا اوہ وی ویکھن نوں مل رہیا اے۔اونہاں نے آکھیا کہ اپنی مرضی دے وکیل دی خدمت حاصل کرن دی اجازت نہیں دتی جا رہی، وکیل صفائی اُتے بندوقاں تانیاں جارہیاں نیں، ملک وچ نا انصافی تے زیادتی ہو رہی اے۔رہنما پی ٹی آئی دا ہور کہنا سی کہ ایس ویلے ملک وچ انسانی حقوق دی گھنانی صورتحال اے، تُسی انتظار نہ کرو کہ مظلوم خود عدالت وچ نَس کے آئے، بنیادی حقوق نوں پامال ہون توں روکیا جائے۔