ایران وچ قتل ہون والے2مزدوراں دی بہاولپور وچ نمازجنازہ ادا

بہاولپور(بیوروروپورٹ)ایران وچ قتل ہون والے2مزدوراں دی بہاولپور وچ نماز جنازہ ادا کردتی گئی ۔مقتولاں وچ بہاولپور توں تعلق رکھن والے19 سالہ محمد شہزاد، 18سالہ شہریار شامل سن، دونوں آپس وچ ماموں زاد بھائی سن جیہڑے ایران وچ روزگار دے سلسلے لئی گئے تے اوتھے نامعلوم افراد دی فائرنگ دا نشانہ بن گئے۔محمد شہزاد دی نماز جنازہ قطعہ العمارہ موڑ تے محمد شہریار دی نماز جنازہ شہر دے نواح آم والا وچ ادا کیتی گئی، نمازجنازہ وچ اہل علاقہ، سیاسی و سماجی شخصیتاں سنے شہریاں دی وڈھی تعداد نے رَلت کیتی۔اک ہی خاندان وچ 2جنازے اُٹھن اُتے علاقے دی فضا سوگوار رہی جدکہ مقتولاں نوں نماز جنازہ دی ادائیگی بعد آبائی قبرستاناں وچ سپرد خاک کردتا گیا۔