الیکشن2024:وفات پان والے قومی تے صوبائی امیدواراں دی تعداد88ہوگئی

اسلام آباد(بیوروروپورٹ)الیکشن2024 توں پہلاںقومی وصوبائی اسمبلیاں دے88امیدوار انتقال کرگئے۔الیکشن کمیشن دے اعدادوشمار وچ دسیا گیا کہ انتقال کرن والیاں وچ قومی اسمبلی دے 9 تے صوبائی اسمبلیاں دے79امیدوار شامل نیں، قومی اسمبلی تے کے پی صوبائی اسمبلی دے اک آزاد امیدوار ریحان زیب اَت گردی داشکار ہوئے۔ذرائع الیکشن کمیشن دا کہنا اے کہ این اے 8 باجوڑ تے کے پی اسمبلی دے حلقہ 22 توں آزاد امیدوار دے قتل سبب الیکشن ملتوی کر دتے گئے نیں،جس لئی نویں تریخ دا اعلان جنرل الیکشن دے بعد کیتا جائے گا۔الیکشن کمیشن توں حاصل ہون والے اعداد و شمار دے مطابق خیبرپختونخوا اسمبلی دے حلقہ91کوہاٹ وچ انتخابی امیدوار عصمت اللہ دا30جنوری نوں انتقال ہویا جدکہ قومی اسمبلی دے 8 تے صوبائی اسمبلیاں دے78امیدوار حتمی فہرستاں دے اجرا توں پہلاں وفات پاگئے۔