ساہنوں تماشہ ویکھن تے بنان دی عادت ہوگئی اے،ثانیہ سعید

لہور(پنجابی میڈیا)پاکستان ڈرامہ انڈسٹری دی مقبول، باصلاحیت وسینئر اداکارہ ثانیہ سعید نے آکھیا اے کہ ساہنوں تماشہ ویکھن دی عادت ہوگئی اے۔سینئر اداکارہ ثانیہ سعید نے نجی ٹی وی دے شو وچ رَلت کیتی جیتھے اونہاں نے مختلف موضوعاں اُتے کھل کے گل بات کیتی۔ثانیہ سعید نے آکھیا کہ اسیںاگے نہیں وَدھ رہے، ساہنوں بس تماشہ ویکھن تے تماشہ بنان دی عادت اے، کون کیہ کر رہیا اے، کیہ کھا رہیا اے، کیہ پہن رہیا اے، دُوجے دی زندگی وچ کیہ چل رہیا اے ایہ سب ساہنوں جانن دی عادت اے۔اداکارہ دا کہنا سی کہ میں جَد سیٹ اُتے جاندی ہاں تے بوہت زیادہ پروٹوکول ملدا اے جس نال مینوں اُلجھن ہُندی اے، کئی وارمینوں کہناپیندا اے کہ اگر مینوں کجھ چا ہیدا ہوئے گا تے میں کہہ دیاں گی، ساہنوں نارمل رہنا چاہیدااے۔