نوازشریف دا3مرتبہ تختہ اُلٹیا لیکن کسی سپہ سالار نوں میرجعفر نہیں آکھیا،شہبازشریف

قصور(بیورورپورٹ)مسلم لیگ ن دے صدرشہبازشریف دا کہنا اے کہ نوازشریف دا3وار تختہ اُلٹیا گیا لیکن کَدی کسی سپہ سالار نوں میر جعفر نہیں بولیا، ایہ اے عوام دانوازشریف ۔قصوروچ جلسے نال خطاب کردیاں ہویاں شہبازشریف نے آکھیا کہ پورے پاکستان وچ ترقیاتی کم اُتے جس دیاں تختیاں لگیاں اوہ نوازشریف اے،نوازشریف8فروری نوںچوتھی وار وزیراعظم منتخب ہو کے عوام نوں مشکلاں توں کَڈاںگے۔شہبازشریف نے آکھیا کہ سندھ والی پارٹی کراچی وچ تے ترقیاتی کم نہیں کر سکی تے کہندی اے کہ کراچی نوں لہور بنادیاں گے،جنہاں نے کراچی نوںلہور بنانا اے تے باقی رہ کیہ گئیا۔صدر ن لیگ نے آکھیا کہ اک پاسے9مئی دا واقعہ اے تے دُوجے پاسے28مئی والانوازشریف اے،اک پاسے اندھیرے سن تے نوازشریف روشنی لیایا۔