بشری بی بی نے بنی گالہ توں اڈیالہ جیل منتقل ہون لئی عدالت نال رجوع کر لئیا

اسلام آباد(بیورورپورٹ)توشہ خانہ کیس وچ سزایافتہ بشری بی بی نے سب جیل قراردتی گئی بنی گالہ توں واپس اڈیالہ جیل منتقل ہون لئی اسلام آباد ہائی کورٹ نال رجوع کرلیا۔میڈیا دے مطابق سابق وزیراعظم عمران خان دی گھروالی بشری بی بی نے اپنی درخواست وچ استدعا کیتی اے کہ بنی گالہ نوں سب جیل قرار دین دا31جنوری والا نوٹی فکیشن کالعدم قرار دتا جائے، میں کسی وی عام قیدی ونگوں اپنی سزا اڈیالہ جیل وچ کٹنا چاہندی ہاں۔بشری بی بی نے آکھیا کہ سارے شہری قنون دی نظر وچ برابر نیں، دُوجے سیاسی ورکر جیلاں وچ عام قیدیاں ونگوں نیں، بنی گالہ سب جیل وچ منتقلی مساوی حقوق دے منافی اے،31جنوری نوں صبح10وجے توں لے کے رات9وجے تک مینوں اڈیالہ جیل وچ انتظارکروان دے بعد سب جیل وچ منتقل کیتا گیا، پچھن اُتے مینوں دسیا گیا بنی گالہ رہائش نوں سب جیل قرار دے دتا گیا اے۔اونہاںنے ہائی کورٹ توں استدعا کیتی اے کہ چیف کمشنر آفس اسلام آباد دا31جنوری والا نوٹی فکشن کالعدم قراردتاجائے۔