ملک بھر وچ بلا تعطل موبائل تے انٹرنیٹ سروس جاری رکھن دا حکم برقرار

کراچی(بیورورپورٹ)سندھ ہائیکورٹ نے ملک بھر وچ بلا تعطل انٹرنیٹ تے موبائل فون سروس جاری رکھن دے حکم امتناع نوں برقرار رکھیا اے۔چیف جسٹس سندھ ہائیکورٹ عقیل احمد عباسی نے ملک وچ بار بار انٹرنیٹ سروس دی بندش تے تعطل خلاف درخواست دی سماعت کیتی جس دوران عدالت نے انٹرنیٹ سروس دی بندش تے تعطل اُتے برہمی دااظہار کیتا۔چیف جسٹس سندھ ہائیکورٹ نے آکھیا کہ ساڈھا انٹرنیٹ نہیں چلداتے کِدھرے ہورکیہ چلدا ہوئے گا، لگدا اے کہ الیکشن دے بعد ٹھیک ہوجائے گا۔بعد وچ عدالت نے پی ٹی اے دے وکیل دی عدم حاضری اُتے سماعت21فروری تک ملتوی کردتی تے عدالت نے ملک بھر وچ انٹرنیٹ سروس بلا تعطل بحال رکھن بارے حکم امتناع برقرار رکھن دا حکم دتا اے۔عدالت نے موبائل انٹرنیٹ سروس وی بلاتعطل جاری رکھن دا حکم برقرار رکھیااے۔