پی ٹی آئی دی ’’بل‘‘واپس لین دے فیصلے خلاف نظرثانی اپیل

اسلام آباد(بیورورپورٹ)پاکستان تحریک انصاف نے بلے دا نشان واپس لین دے فیصلے خلاف نظرثانی درخواست دائرکردتی۔پی ٹی آئی ولوں درخواست سینئر وکیل حامد خان تے بیرسٹر علی ظفر نے دائر کیتی، درخواست وچ الیکشن کمیشن سنے ہائیکورٹ وچ شکایت کنندگان نوںفریق بنایا گیا اے۔درخواست وچ موقف اختیار کیتا گیا اے کہ انٹرا پارٹی الیکشن پارٹی آئین مطابق کروائے گئے، الیکشن کمیشن انٹرا پارٹی الیکشن دا جائزہ لین دا اختیار نہیں رکھدا۔پی ٹی آئی ولوں درخواست وچ ہور آکھیا گیا اے کہ سپریم کورٹ نے انٹرا پارٹی الیشن بارے حقائق دا درست جائزہ نہیں لیا، کسی وی سیاسی جماعت توں انتخابی نشان واپس لینا ووٹراں دے بنیادی حقوق دی خلاف ورزی اے،سیاسی جماعت بنان تے الیکشن وچ حصہ لین داحق آئین پاکستان وچ اے۔