الیکشن مہم دا اج آخری دن، پورے ملک وچ بیلٹ پیپر تے ہور سامان دی ترسیل مکمل

لہور(بیورورپورٹ)8فروری2024 نوں ہون والے الیکشن لئی الیکشن کمپین دا اج آخری دن اے،رات12وجے تک ساریاں سیاسی جماعتاں دے امیدوارووٹراںنوں مائل کرن دی بھرپور کوشش کراں گے۔ترجمان الیکشن کمیشن مطابق الیکشن مہم دا ویلا ختم ہون دے بعد خلاف ورزی دی صورت وچ قنونی کارروائی عمل وچ لیائی جائے گی، ووٹ کاسٹ کرن لئی اصلی شناختی کارڈ لازمی اے، زائدالمیعاد شناختی کارڈاُتے وی ووٹ پا جا سکے گا۔ترجمان نے آکھیااے کہ الیکشن کمیشن دے ملازماں نے محدود ویلے وچ اپنی محنت تے منظم منصوبہ بندی ذریعے اہم ذمہ داری مکمل کیتی،بیلٹ پیپراں دی ترسیل دا عمل زمینی تے ہوائی دوناں طریقیاں نال مکمل کیتا گیا اے،چیلنجاں دے باوجود کمیشن نے ویلے اُتے ایہ کم مکمل کیتا تاکہ ساریاں ووٹر ملکی الیکشن وچ بہترین تے منظم طوراُتے رَلت کر سکن۔الیکشن کمیشن نے ملک بھر وچ الیکشن لئی7لکھ بیلٹ باکس دا انتظام کر لئیا جدکہ ووٹنگ لئی2لکھ76ہزار توں وَدھ پولنگ بوتھ قائم کیتے جان گے۔