8 فروری نوں پرامن،الیکشن کراواں گے، نگران وزیرداخلہ

اسلام آباد(بیورورپورٹ)نگران وفاقی وزیر داخلہ گوہر اعجاز نے آکھیاکہ8فروری نوں پاکستان وچ پُرامن تے شفاف الیکشن کراواں گے۔اسلام آباد وچ نگران وفاقی وزیراطلاعات مرتضی سولنگی دے ہمراہ پریس کانفرنس کردیاں ہویاںگوہراعجازدا کہنا سی کہ نگران حکومت نوں الیکشن دی ذمہ داری ملی اے،کوشش اے کہ الیکشن دے عمل وچ کسی صورت جاناں دا نقصان نہ ہوئے ۔اونہاں نے آکھیا کہ سندھ اندر الیکشن دیاں تیاریاں زور وشور نال جاری نیں، جیہڑیاں پارٹیاںسندھ وچ الیکشن لڑرہیاں نیں اوہ کافی سالاں توں اک دُوجے نوں جان دیاں نیں،سکیورٹی ادارے تے ایڈمنسٹریشن موجود اے، کوئی وی قنون نوں اپنے ہتھ وچ نہیں لے سکدا۔اونہاں دا کہنا سی کہ بلوچستان دی وی ساری رپورٹ اپنے الیکشن سیل وی لئی، ساہنوں اونہاں فورساں توں خطرہ اے جیہڑے ملک وچ عدم استحکام پیداکرنا چاہندیاں نیں، سکیورٹی لئی ساڈھی پلس اوس دے پیچھے آرمڈ فورسز نیں،ساڈھے آرمی دے ٹرینڈکمانڈوزبلوچستان وچ موجودہون گے۔