الیکشن2024:ملک وچ 90ہزار675پولنگ سٹیشن قائم

اسلام آباد(بیورورپورٹ)8فروری نوں ہون والے الیکشن2024 لئی الیکشن کمیشن ولوں ملک بھر وچ90ہزار675پولنگ سٹیشن قائم کیتے گئے ۔الیکشن کمیشن دے مطابق مرداں لئی25ہزار320،عورتاں لئی23ہزار952پولنگ سٹیشن قائم کیتے گئے جدکہ ملک بھر وچ مرداں تے عورتاں لئی سانجھے پولنگ سٹیشناں دی تعداد41ہزار403 اے۔الیکشن کمیشن دے مطابق پنجاب وچ مجموعی طور اُتے50ہزار944پولنگ سٹیشن قائم کیتے گئے،پنجاب وچ مرداں لئی 14ہزار556، عورتاں لئی14ہزار36 پولنگ سٹیشن قائم کیتے گئے جدکہ صوبے وچ مرداں تے عورتاں لئی سانجھے پولنگ سٹیشناں دی تعداد22ہزار352 اے۔الیکشن کمیشن دے مطابق سندھ وچ مجموعی طور اُتے19ہزار6پولنگ سٹیشن قائم کیتے گئے ،سندھ وچ مرداں لئی4 ہزار443،عورتاں لئی4ہزار313پولنگ سٹیشن قائم کیتے گئے ۔سندھ وچ مرداں تے عورتاں لئی سانجھے پولنگ سٹیشناں دی تعداد10ہزار250 اے۔الیکشن کمیشن دے مطابق خیبرپختونخوا وچ مجموعی طوراُتے15ہزار697پولنگ سٹیشن قائم کیتے گئے ،خیبرپختونخوا وچ مرداں لئی4ہزار810جدکہ عورتاں لئی4ہزار286پولنگ سٹیشن بنائے گئے ۔خیبرپختونخوا وچ مرداں تے عورتاں لئی6ہزار610سانجھے پولنگ سٹیشن قائم کیتے گئے ۔الیکشن کمیشن مطابق بلوچستان وچ مجموعی طور اُتے5 ہزار28 پولنگ سٹیشن قائم کیتے گئے ، بلوچستان وچ مرداں لئی 1ہزار511،عورتاں لئی 1ہزار317پولنگ سٹیشن قائم کیتے گئے نیں جدکہ مرداں تے عورتاں لئی سانجھے پولنگ سٹیشناں دی تعداد2ہزار200 اے۔واضح رہے کہ کل8فروری بروز جمعرات ملک بھر وچ الیکشن ہورہے نیں ،پولنگ دا عمل صبح8 توں شام5وجے تک جاری رہے گا،