میڈیا نمائندیاںنوں الیکشن 2024بارے معلومات فراہم کرن دا حکم

اسلام آباد(بیورورپورٹ)الیکشن کمیشن نے میڈیا نمائندیاں نوںالیکشن 2024بارے معلومات فراہم کرن دا حکم دے دتا۔ترجمان الیکشن کمیشن نے چاراں صوبائی الیکشن کمشنراں نوں مراسلہ لکھدیاں ہویاں آکھیا اے کہ الیکشن2024 دی مینٹرنگ لئی صوبائی الیکشن کمشنراں تے ترجمان متعلقہ میڈیا ٹیماں دے ساتھ باقاعدگی نال رابطہ کرن۔ترجمان نے آکھیا اے کہ صحافیاں نوں الیکشن 2024 بارے مختلف سرگرمیاں بارے وچ الیکشن کمیشن دیاں تیاریاں توں آگاہ رکھیا جائے۔واضح رہے کہ پاکستان وچ عام الیکشن اج ہو رہے نیں، ووٹر قومی تے صوبائی اسمبلیاں دے855 حلقیاں وچ امیدوار چنن گے۔ملک بھر وچ رجسٹرڈ ووٹراں دی تعداد12 کروڑ 85 لکھ 85 ہزار 760 اے جدکہ ملک بھر وچ 90 ہزار 675 پولنگ سٹیشن قائم کیتے گئے نیں جدکہ14 لکھ 90 ہزار انتخابی عملہ ڈیوٹی دے گا۔