الیکشن کمیشن توں توقع اے کہ نتائج پولنگ سٹیشن وچ ہی ہون،خرم دستگیر

گوجرانوالہ(بیوروپورٹ)سابق وفاقی وزیرخرم دستگیرخان نے آکھیا اے کہ الیکشن کمیشن آف پاکستان توں توقع اے کہ الیکشن نتائج پولنگ سٹیشن وچ ہی مرتب ہون۔پریس کانفرنس کردیاں ہویاں خرم دستگیر نے آکھیا کہ پچھلے الیکشن وچ ساڈھے پولنگ ممبراںنوں پولنگ سٹیشن توں باہر کَڈ دتا گیا سی، ساہنوں فارم45 دی فراہمی یقینی بنانا اے تے اوس اُتے دستخط وی ہون۔اونہاں نے آکھیا کہ ساڈھی کمپین ن لیگ تے شیر دی بنیاد اُتے ہوئی اے، ساڈھی کوشش ہوئے گی کسی وجہ نال پولنگ سٹیشن دے دروازے بند نہ ہون۔خرم دستگیر خان نے آکھیا کہ2018 دے بھیانک تجربے نال اسیں تے الیکشن کمیشن نے بوہت سبق سیکھے نیں، ایس واروزیراعظم پاکستان نواز شریف بنن گے۔اونہاں نے آکھیا کہ بلوچستان وچ ہون والے اَت گرد حملہ دی مذمت کردے نیں،2021 وچ حکومت افغانستان وچ چھپے اَت گرداںنوں عام معافی دے کے لیائی سی۔