کراچی دی عوام ووٹ نوں تقسیم نہ کرے،حافظ نعیم

کراچی(بیورورپورٹ)امیر جماعت اسلامی کراچی حافظ نعیم الرحمن نے آکھیا اے کہ پیپلز پارٹی نے کراچی پچھلے15ورھیاں توں تباہ و برباد کردتا اے ، کراچی دی عوام مینڈیٹ اُتے قبضہ نہیں کرن دیئے گی، جماعت اسلامی دی ہوا چل رہی اے، ترازو جت رہیا اے، کراچی تے پاکستان جت رہیا اے، شہر قائد دی عوام ووٹ نوں تقسیم نہ کرن، ووٹ تقسیم ہوگیا تے درندے تے بھیڑیے فیر توں آجان گے۔ایہہ گلاںاونہاں نے اپنے حلقہ انتخاب246بجلی نگر اورنگی ٹائون تے پرفیوم چوک گلستان جوہر وچ جلسہ عام نال خطاب کردیاں ہویاں کیتیاں،حافظ نعیم الرحمان نے آکھیا کہ کراچی وچ ہزاراں سرکاری اسکول نیں جیہڑے منشیات دے اڈے بنے ہوئے نیں۔ کراچی دا ہردُوجا بچہ تعلیم توں محروم اے تے پورے سندھ دا ایہی حال اے۔ پیپلز پارٹی نے کراچی پچھلے15 ورھیاں توںتباہ وبرباد کردتا اے۔ ہُن کراچی دی عوام8فروری نوں پیپلزپارٹی مسترد کر کے تباہ وبرباد کردیئے گی۔