100فیصد یقین اے کہ نتائج لیٹ نہیں ہون گے،الیکشن کمشنر سندھ

کراچی(بیوروروپورٹ)الیکشن کمشنر سندھ شریف اللہ داکہنا اے کہ100 فیصد یقین اے کہ نتائج لیٹ نہیں ہون گے۔الیکشن کمشنر سندھ شریف اللہ نے ایکسپو سینٹر ڈسپیچ سینٹر دادورہ کیتا جیتھے میڈیا نال گل بات کر دیاں اونہاں نے آکھیا کہ اکثر پولنگ سامان دی تقسیم وچ کجھ لیٹ ہوجاندی اے لیکن میٹریل یا اسٹاف پاروں کوئی لیٹ نہیں ہو رہی، پولنگ سامان دی تقسیم وچ ٹیکنیکل میٹریل یا اسٹاف دا کوئی مسئلہ نہیں اے، اسٹاف تے انتخابی سامان شام4،5وجے توں پہلاں پولنگ اسٹیشن پہنچ جائے گا۔صوبائی الیکشنر کمشنر دا کہنا سی کہ سکیورٹی اداریاں نوں سکیورٹی دا وَدھ پتہ اے، اوہ آپس وچ رابطے وچ نیں۔اونہاں نے ہورآکھیا کہ100فیصد یقین اے کہ نتائج لیٹ نہیں ہون گے جیتھے کنیکٹویٹی اے اوتھے صحیح ویلے اُتے نتائج آن گے جَد کہ پریزائیڈنگ افسر نوں آ کے میٹریل تے فارم45دینا اے۔اونہاں دا کہنا سی کہ کسی وی پولنگ اسٹیشن دا آر او نہیں بدلیا اے لہذا ایس حوالے نال چلن والیاں خبراں من گھڑت نیں۔