پنجاب دے مقابلے وچ سندھ دے لوگ ہور سہولتاں وچ بہتر نیں،بلاول بھٹو

اسلام آباد( بیورورپورٹ)پیپلزپارٹی دے چیئرمین بلاول بھٹو زرداری نے اک کتاب دا حوالہ دیندیاں ہویاںآکھیا اے کہ سندھ وچ انتخاب دی آزادی پنجاب توں بہتر اے تے اوتھوں دے لوگ خوف توں وی آزاد نیں۔بلاول بھٹو زرداری نے سماجی رابطے دی سائٹ ایکس اُتے اپنے اک پیغام وچ حفیظ پاشا دی کتاب پاکستان وچ انسانی تحفظ دے کجھ ورقیاں دیاں تصویراں شیئرکردیاں ہویاں لکھیا کہ ایہ حقیقی معنیاں وچ افسوس ناک اے کہ مسلم لیگ ن دے وزرائے اعظم دے امیدوار مناظرے لئی تیار نہیں ہوئے۔اونہاں نے لکھیا کہ مسلم لیگ ن پاروں اک افسانوی گل کہ پنجاب انتظامی کارکردگی وچ ہوراں صوبیاں توں بہتر اے دی اصلاح ضروری اے کیونکہ حفیظ پاشا دی کتاب پاکستان وچ انسانی تحفظ وچ لکھیا اے کہ سندھ دی انتظامی کارکردگی پنجاب توں بہتر اے۔بلاول بھٹو زرداری نے کتاب بارے آکھیا کہ سندھ نہ صرف حکومت وچ بلکہ کسی وی انتخابی آزادی وچ پنجاب توں بہتر اے، سندھ دے لوگ پنجاب دے مقابلے وچ کسی وی قسم دے خوف تے ڈر توں آزاد تے اہل سندھ پنجاب دے مقابلے وچ آمدنی دے اعتبار و انسانی تحفظ وچ وی اگے نیں۔