ملک مشکل وچ اے اسیں مل کے عوام دی خد مت کراں گے،راناثناء اللہ

مکوآنہ(بیورورپورٹ)سا بق وزیرداخلہ ومسلم لیگ ن دے رہنماراناثناء اللہ نے آکھیااے کہ عمران خان نے نفرت دی سیاست ودھائی، نوجواناں دا سیاست وچ بوہت اہم کردار اے،9مئی دا واقعہ چھوٹا نہیں، نوجواناںنوں ریاست خلاف ورغلایا گیا،بے گناہ نوں معافی تے جییہڑے ملوث نیں اونہاںنوں سزا ملنی چاہیدی اے،9 مئی دے واقعے نال بھارت خوش ہویا،8فروری نوں کامیابی دے بعد مرکز تے صوبیاں وچ حکومتاں بناواں گے،بجلی،گیس،پٹرول اُتے سبسڈی دیاں گے، عمران دا آئی ایم ایف نال کیتا ہویا معاہدہ جون وچ ختم ہورہیا اے،اک نمونہ ملک اُتے مسلط ہویا تے 4ورھیاں وچ ایس ملک نوں تباہی دے کنارے لیا کھڑا کیتا،ایہ معاہدہ اوس نے کیتا سی، نفرت دی سیاست نہیں کر دے،سیاست وچ مخا لفاں نوں برداشت کیتا جاندااے، حکو مت سبسڈی نہیں دیوے گی تے گیس،پیٹرول،بجلی دی قیمت کسطرح گھٹ ہوئے گی تفصیل دے مطابق ایہہ گلاں اونہاں نے مختلف تقریباں نال خطاب کردیاں ہویاں کیتیاں،راناثناء اللہ نے آکھیا کہ پاکستان ایس ویلے مشکل حالات وچ اے،ن لیگ دی حکومت ختم کرکے ملکی ترقی دے سفر نوں روکیاگیا۔