وزیراعظم دی الیکشن کامیاب ہون اُتے قوم نوں مبارک باد

اسلام آباد(پنجابی میڈیاگروپ)نگراں وزیراعظم انوار الحق کاکڑ نے الیکشن2024 دے انعقاد نوں کامیاب قرار دیندیاں ہویاں مبارک باد پیش کیتی اے۔نگراں وزیراعظم نے اپنے اک بیان وچ آکھیا کہ میں عام الیکشن2024 دے کامیاب انعقاداُتے قوم،الیکشن کمیشن، عبوری صوبائی حکومتاں، مسلح فوج، سول آرمڈ فورس، پلس، قنون نافذ کرن والے اداریاں، انتخابی عملے میڈیاتے سارے متعلقہ لوکاں دیاں کوششاںنوں سراہندیاں ہویاں مبارک باد پیش کردا ہاں۔اونہاں نے آکھیا کہ آزادانہ تے منصفانہ الیکشن دے انعقاد وچ کردار ادا کیتا، ایہ اہم موقع نہ صرف ساڈھے جمہوری عمل دی لچک تے طاقت دا ثبوت اے بلکہ پاکستانی عوام دے ناقابل تسخیر جذبے داوی اے، پاکستانی عوام دی انتخابی عمل وچ رَلت تے جوش وخروش ایس جمہوری مشق دا سنگ بنیاد رہیا اے،ووٹراں دا زیادہ ٹرن آٹ ساڈھے ملک دے مستقبل دی تشکیل لئی عوامی عزم داواضح اشارہ اے۔