ڈی آئی خان:پلس موبائل اُتے بم حملہ،5اہلکارشہید،4زخمی

ڈی آئی خان(پنجابی میڈیا گروپ)الیکشن لئی سکیورٹی اُتے تعینات ایلیٹ فورس دی موبائل وین اُتے بم حملے وچ5اہلکار شہید تے 4 زخمی ہو گئے۔پلس دے مطابق نامعلوم اَت گرداں ولوں دھماکے بعد فائرنگ دا سلسلہ جاری اے۔ایس بارے پلس لائن توں بھاری نفری سدھ لئی گئی اے۔تھانہ کلاچی دی حدود وچ ایلیٹ فورس دی موبائل وین اُتے بم حملے وچ سب انسپکٹر سنے 5 جوان شہید تے4زخمی ہو گئے نیں۔ اطلاع ملدیاں ہی پلس حکام وی جائے وقوعہ اُتے پہنچ گئے۔حملے دا نشانہ بنن والی پلس موبائل گرہ اسلم پولنگ اسٹیشن دی سکیورٹی اُتے تعینات سی، جس وچ سب انسپکٹر خانزادہ تے ہور اہل کار سوار سن۔ نامعلوم اَت گرداں ولوں حملے دے بعد اندھا دھند فائرنگ وی کیتی گئی اے۔ واقعے دے بعد شہید اہل کاراں دیاں لاشاں تے زخمیاں نوں اسپتال منتقل کردتا گیا اے جَد کہ سکیورٹی فورسز تے پلس نے علاقے دی ناکہ بندی کرکے سرچ آپریشن شروع کردتا گیا اے۔شہید ہون والے اہل کاراں وچ سب انسپکٹر سلطان یوسف خان، ڈرائیور ذیشان کانسٹیبل محمد صابرکانسٹیبل اسرار احمد تے کانسٹیبل علی محمد شامل نیں جَد کہ زخمی اہلکاراں وچ جہان دوست دوست محمد مشتاق وغیرہ شامل نیں۔