نوازشریف دی قیادت وچ ملک نوں دلدل توں کڈاں گے،رانا ثنااللہ

فیصل آباد(پنجابی میڈیاگروپ)مسلم لیگ ن پنجاب دے صدررانا ثنا اللہ نے آکھیا اے کہ ن لیگ نوازشریف دی قیادت وچ ملک نوں دلدل توں کڈن دا سفرشروع کرے گی۔میڈیا نال گل بات کردیاں ہویاں رانا ثنا اللہ نے آکھیا کہ اج دا دن پاکستانی تریخ وچ اہمیت رَکھدا اے، پاکستان کجھ وجہ پاروں کرائسز وچ اے، قوم اج فیصلہ کرے گی، پاکستان اگے وَدھے گا تے سُرخرو ہوئے گا۔رانا ثنااللہ نے آکھیا کہ تعمیروترقی تے خوشحالی دا سفراگے وَدھے گا، بوہت چھیتی عام آدمی نوں ریلیف ملے گا، عام آدمی دیاں مشکلاں وچ آسانی ہوئے گی، اج دا دن پرامن گزریا اے، الیکشن کمیشن نوںمبارکباد پیش کردا ہاں، چنگے انتظام کیتے نیں۔سابق وفاقی وزیر نے آکھیا کہ عوام نے خوش اسلوبی نال حق رائے دہی استعمال کیتا اے، کجھ دیر وچ رزلٹ آئے گا تے پوری قوم کامیابی دا جشن منائے گی۔رانا ثنا اللہ نے آکھیا کہ موبائل فون سروس اُتے لوگ اعتراض کر رہے نیں، بلوچستان وچ کل اَت گردی دے واقعات ہوئے نیں، قیمتی جاناں دا نقصان ہویا۔