الیکشن2024: وڈھے وڈھے بُرج اُلٹ گئے،آزادامیدوارجِت گئے

لہور(پنجابی میڈیا)الیکشن 2024 لئی پولنگ مُکن دے بعد غیر حتمی تے غیر سرکاری نتجے آن دا سلسلہ جاری اے جس دے مطابق ایس واروڈھے وڈھے برج اُلٹ گئے، آزاد امیدواراں نے نامور سیاستداناںنوں پچھاڑدیاں ہویاں کئی حلقیاں وچ سیٹاں اپنے نام کر لیاں۔مسلم لیگ(ن) دے صدرشہبازشریف تے سینئر نائب صدرمریم نواز، پیپلز پارٹی دے یوسف رضا گیلانی، مراد علی شاہ تے نفیسہ شاہ کامیاب ہو گئے، جدکہ شیخ روحیل اصغر، عابد شیر علی، جہانگیر ترین تے پرویز خٹک ہار گئے نیں۔ہُن تک موصول ہون والے غیر حتمی تے غیر سرکاری نتجے مطابق قومی تے صوبائی اسمبلیاں دیاں زیادہ تر نشستاں اُتے آزاد امیدوارجِتن دی اطلاع وصول ہوئی اے، مسلم لیگ (ن) تے پیپلز پارٹی وی درجناں سیٹاں اُتے اگے نیں۔این اے2سوات1 دے سارے341پولنگ سٹیشناں دا غیر سرکاری غیر حتمی نتیجہ آگیا جس دے مطابق آزاد امیدوار امجد علی خان88938ووٹ لے کے کامیاب ہوگئے، ایتھوں پاکستان مسلم لیگ ن دے امیر مقام37764ووٹ لے کے دُوجے نمبر اُتے رہے۔این اے3سوات2 وچ سارے309پولنگ سٹیشناں دے غیرسرکاری تے حتمی نتیجے مطابق آزاد امیدوار سلیم رحمن 81411 ووٹ لے کے کامیاب ہوگئے جدکہ مسلم لیگ(ن) دے واجد علی خان 27861 ووٹ لے کر دُوجے نمبر اُتے رہے۔قومی اسمبلی دے حلقہ این اے 4 سوات 3 دے غیر حتمی تے غیر سرکاری نتیجے مطابق آزاد امیدوار سہیل سلطان 88 ہزار 9 ووٹ لے کے کامیاب ہو گئے نیں جدکہ عوامی نیشنل پارٹی دے محمد سلیم خان 20 ہزار 890 ووٹ لے کے دُوجے تے پاکستان تحریک انصاف پارلیمنٹرینز دے محمود خان 16 ہزار 813 ووٹ لے کے تریجے نمبر اُتے نیں۔الیکشن کمیشن دی ویب سائٹ مطابق این اے 10 بونیر وچ سارے397پولنگ سٹیشناں دے غیرسرکاری وحتمی نتیجے مطابق آزاد امیدوار گوہر علی خان 1لکھ 10 ہزار 23 ووٹ لے کے کامیاب ہوگئے تے عوامی نیشنل پارٹی دے عبدالرئوف 30302 ووٹاں دے نال دُوجے نمبر اُتے رہے۔این اے 11 شانگلہ دے 346 پولنگ سٹیشناںدے غیر حتمی و غیر سرکاری نتجے مطابق امیر مقام نوں کامیابی حاصل ہوئی اے، اونہاں نے59863ووٹ حاصل کر کے فتح حاصل کیتی، ایتھوں پی ٹی آئی دے حمایت یافتہ آزاد امیدوار سید فرین54311ووٹ لے کے دُوجے نمبر اُتے رہے۔این اے 13 بٹگرام دے سارے 278 پولنگ سٹیشناں دے مکمل غیرسرکاری و غیر حتمی نتجے تحت پی ٹی آئی دے حمایت یافتہ آزاد امیدوار محمد نواز خان 24686 ووٹ لے کے کامیاب ہوئے، راہ حق پارٹی دے عطا محمد18130ووٹ لے کے دُوجے نمبر اُتے رہے۔قومی اسمبلی دے حلقہ این اے 16 ایبٹ آباد دے کل 464 پولنگ سٹیشناں دے غیر حتمی غیر سرکاری نتائج مطابق آزاد امیدوار علی اصغر خان 104993 ووٹ لے کے کامیاب ہو گئے جدکہ مسلم لیگ(ن) دے مرتضی جاوید عباسی 86276 ووٹ لے کے دُوجے نمبر اُتے رہے۔این اے17 ایبٹ آباد2 دے سارے 324 پولنگ سٹیشناں دے غیرحتمی غیرسرکاری نتیجے مطابق آزاد امیدوار علی خان جدون 97177 ووٹ لے کے کامیاب ہوئے، مسلم لیگ ن دے محبت خان اعوان 44522 ووٹ لے کر دُوجے نمبر اُتے رہے۔قومی اسمبلی دے حلقہ این اے 18 ہری پور دے سارے604 پولنگ سٹیشناں دے غیر حتمی تے غیر سرکاری نتجے مطابق آزاد امیدوار عمر ایوب 192948 ووٹ لے کے کامیاب ہو گئے نیں جدکہ پاکستان مسلم لیگ(ن) دے بابر نواز خان 112389 ووٹ لے کے دُوجے نمبر اُتے رہے۔این اے 19 صوابی 1 وچ سارے 385 پولنگ سٹیشناں دے غیرسرکاری و حتمی نتیجے مطابق آزاد امیدوار اسد قیصر 1لکھ 15 ہزار 635 ووٹ لے کے کامیاب ہو گئے نیں تے اونہاں دے مدمقابل جمعیت علمائے اسلام(ف) دے فضل علی 45567 ووٹ لے کے دُوجے نمبر اُتے نیں۔الیکشن کمیشن مطابق قومی اسمبلی دے حلقہ این اے 22 مردان وچ ساریاں 387 پولنگ سٹیشناں دے غیرسرکاری وحتمی نتیجے مطابق آزاد امیدوار محمد عاطف 114748 ووٹ لے کے کامیاب ہو گئے، عوامی نیشنل پارٹی دے امیر حیدر اعظم خان دے 66159 ووٹ لے کے دُوجے نمبر اُتے نیں۔قومی اسمبلی دے حلقہ این اے 23 مردان 3 توں ساریاں 317 پولنگ سٹیشناں دے غیرسرکاری و حتمی نتیجے مطابق آزاد امیدوار علی محمد 102175 ووٹ لے کے کامیاب ہو گئے تے عوامی نیشنل پارٹی دے احمد خان 33910 ووٹ لے کے دُوجے نمبر اُتے نیں۔این اے 25 چارشدہ 2 وچ سارے 392 پولنگ سٹیشناں دے غیرسرکاری وحتمی نتجے مطابق آزاد امیدوار فضل محمد خان نے 1لکھ 713 ووٹ لے کے میدان مار لیا جدکہ عوامی نیشنل پارٹی دے ایمل ولی خان 67876 ووٹ لے سکے۔این اے 30 پشور 3 وچ سارے 267 پولنگ سٹیشناں دے غیرسرکاری و حتمی نتیجے مطابق آزاد امیدوار شاندانہ گلزار خان 78971 ووٹ لے کے کامیاب ہوگئیاں، جمعیت علمائے اسلام دے ناصر خان 20950 ووٹ لے کے دُوجے نمبر اُتے رہے۔این اے 33 نوشہرہ دے سارے319 پولنگ اسٹیشناں دا غیر سرکاری نتیجہ موصول ہوگیا، این اے 33 اُتے آزاد امیدوار سید شاہ احد علی 90 ہزار 145 ووٹ لے کے کامیاب قرار پائے، پاکستان تحریک انصاف پارلیمنٹیرینز دے پرویز خٹک 25 ہزار 582 ووٹاں دے نال دُوجے نمبراُتے رہے۔ حلقہ این اے 44 ڈیرہ اسماعیل خان دے سارے358 پولنگ سٹیشناںدے غیر حتمی تے غیر سرکاری نتیجے مطابق آزاد امیدوار علی امین خان گنڈا پور 92612 ووٹ لے کے کامیاب ہو گئے جدکہ جے یو آئی ف دے مولانا فضل الرحمان 59364 ووٹ لے کے دُوجے نمبر اُتے رہے۔اسلام آباد دے حلقہ این اے 47 توں پاکستان مسلم لیگ ن دے طارق فضل چودھری نے پاکستان تحریک انصاف دے حمایت یافتہ آزاد امیدوار شعیب شاہین نوں شکست دے دتی۔حلقہ این اے 47 اسلام آباد 2 دے ساریاں 387 پولنگ سٹیشناں دا غیر سرکاری غیر حتمی نتیجہ آگیا جس دے مطابق ن لیگ دے طارق فضل چودھری 102502 ووٹ لے کے کامیاب ہو گئے۔اوس دے علاوہ پاکستان تحریک انصاف دے حمایت یافتہ آزاد امیدوار محمد شعیب شاہین نے 86396 ووٹ حاصل کیتے تے دُوجے نمبر اُتے رہے۔الیکشن کمیشن دی ویب سائٹ مطابق این اے 49 اٹک 1 وچ سارے461 پولنگ سٹیشناں دے غیرسرکاری وحتمی نتیجے مطابق مسلم لیگ(ن) دے شیخ آفتاب احمد 119727 ووٹاں دے نال کامیاب ہوگئے، آزاد امیدوار طاہر صادق 110230ووٹاں دے نال دُوجے نمبر اُتے نیں۔این اے 55 راولپنڈی4 وچ سارے 311 پولنگ سٹیشناں دے غیر سرکاری وحتمی نتیجے مطابق مسلم لیگ ن دے ابرار احمد 78542 ووٹ لے کے کامیاب ہو گئے جدکہ آزاد امیدوار محمد بشارت راجہ 67101 ووٹ لے کے دُوجے نمبر اُتے رہے۔حلقہ این اے 56 راولپنڈی دے غیر سرکاری غیر حتمی نتجے مطابق مسلم لیگ (ن) حنیف عباسی کامیاب ہو گئے، لیگی امیدوار حنیف عباسی 96649 ووٹاں نال سرفہرست رہے جدکہ آزاد امیدوار شہریار ریاض 82613 ووٹاں دے نال دُوجے نمبر اُتے رہے۔این اے 58 چکوال 1وچ459 پولنگ سٹیشناں دے غیرسرکاری و حتمی نتیجے مطابق مسلم لیگ(ن) دے طاہر اقبال 1 لکھ 15 ہزار 974 ووٹ لے کے کامیاب ہوئے تے اونہاں دے مد مقابل آزاد امیدوار ایاز میر102537ووٹ لے کے دُوجے نمبر اُتے رہے۔این اے 59 تلاگنگ چکوال وچ سارے467 پولنگ سٹیشناں دے غیرسرکاری و حتمی نتیجے مطابق مسلم لیگ (ن) دے سردار غلام عباس 141680 ووٹ لے کے کامیاب ہو گئے تے آزاد امیدوار رومان احمد 129116 ووٹ لے کے دُوجے نمبر اُتے نیں۔غیر حتمی غیر سرکاری نتجے مطابق قومی اسمبلی دے حلقہ این اے 76 نارووال توں سابق وفاقی وزیر تے لیگی رہنما احسن اقبال کامیاب ہو گئے، احسن اقبال 136279 ووٹ لے کے کامیاب ہوئے جدکہ آزاد امیدوار کرنل ریٹائرڈ جاوید صفدر کاہلوں 109309 ووٹ لے کر دُوجے نمبر اُتے رہے۔لہوردے حلقہ این اے 118 دے غیر حتمی غیر سرکاری نتجے مطابق مسلم لیگ ن دے امیدوار حمزہ شہباز 1لکھ 5 ہزار 960 ووٹ لے کے کامیاب ہو گئے جدکہ اونہاں دے مدمقابل آزاد امیدوار عالیہ حمزہ نے 1 لکھ 803 ووٹ حاصل کیتے۔غیر حتمی و غیر سرکاری نتجے مطابق حلقہ این اے 119 لہور توں مسلم لیگ ن دی امیدوار مریم نواز جِت گئیاں، مریم نواز نے 83 ہزار 855 ووٹ حاصل کیتے جدکہ اونہاں دے مدمقابل آزاد امیدوار شہزاد فاروق 68 ہزار 376 ووٹ لے کے دُوجے نمبر اُتے رہے۔این اے 121 لہور 5 وچ ساریاں299 پولنگ سٹیشناں دے غیرسرکاری و حتمی نتیجے مطابق آزاد امیدوار وسیم قادر 78703 ووٹ لے کے کامیاب ہوئے تے اونہاں نے مسلم لیگ ن دے شیخ روحیل اصغر نوں شکست دتی، لیگی امیدوار 70597ووٹ لین وچ کامیاب ہوئے۔لہور دے حلقہ این اے 122 وچ مسلم لیگ ن دے مضبوط امیدوار خواجہ سعد رفیق شکست کھا گئے، لیگی امیدوار خواجہ سعد رفیق نوں آزاد امیدوار سردار لطیف کھوسہ نے وڈھے مارجن نال شکست دتی۔این اے 122 توں آزاد امیدوار سردار لطیف کھوسہ 1لکھ 17ہزار 109 لے کے کامیاب ہوئے جدکہ لیگی امیدوار خواجہ سعد رفیق 77 ہزار 907 ووٹ لے کے دُوجے نمبر اُتے رہے۔غیر حتمی و غیر سرکاری نتیجے مطابق سابق وزیراعظم شہباز شریف لہور توں قومی اسمبلی دی سیٹ بچان وچ کامیاب ہو گئے اونہاں نے حلقہ این اے 123 توں 63 ہزار 953 ووٹ لئے، شہباز شریف دے مد مقابل آزاد امیدوار افضال عظیم پاہٹ 48 ہزار 486 ووٹ ہی لے سکے۔لہوردے حلقہ این اے 124 دے غیر حتمی غیر سرکاری نتجے مطابق مسلم لیگ ن دے رانا مبشر اقبال نے 55387 ووٹاں دے نال میدان مار لیا جدکہ آزاد امیدوار ضمیر احمد جھیڈو 43594 ووٹ لے کے دُجے نمبر اُتے رہے۔حلقہ این اے 126 دے غیر حتمی غیر سرکاری نتجے مطابق مسلم لیگ ن دے امیدوار سیف الملوک کھوکھر نے 67 ہزار 717 ووٹ لے کے سیٹ بچا لئی جدکہ اونہاں دے مدمقابل آزاد امیدوار ملک توقیر عباس کھوکھر 60 ہزار 479 لے کے دُوجے نمبر اُتے رہے۔حلقہ این اے 129 توں موصول شدہ غیر حتمی غیر سرکاری نتجے مطابق تحریک انصاف دے حمایت یافتہ آزاد امید میاں محمد اظہر نے لیگی امیدوار میاں نعمان نوں وڈھے مارجن نال ہرا دتا۔قومی اسمبلی دے حلقہ این اے 129 وچ تحریک انصاف دی حمایت یافتہ امیدوار میاں اظہر نے 1لکھ 3 ہزار 718 ووٹاں نال فتح اپنے نام کر لئی، مسلم لیگ ن دے امیدوار حافظ میاں نعمان 71 ہزار 540 ووٹ لے کے دُوجے نمبر اُتے رہے۔ملک دے سب توں وڈھے ٹاکرے وچ قائد مسلم لیگ ن نواز شریف نے این اے 130 توں یاسمین راشد نوں شکست دے دتی۔غیر حتمی تے غیر سرکاری نتجے مطابق قائد مسلم لیگ ن نواز شریف 1لکھ 71 ہزار 24 ووٹ لے کے کامیاب ہوئے نیں جدکہ پی ٹی آئی دی حمایت یافتہ امیدوار ڈاکٹر یاسمین راشدنوں 1لاکھ 15 ہزار 43 ووٹ ملے۔این اے135 اوکاڑہ1 دے سارے370 پولنگ سٹیشناں دے غیرحتمی غیر سرکاری نتیجے مطابق مسلم لیگ ن دے ندیم عباس ربیرہ 107862 ووٹ لے کے کامیاب ہو گئے، آزاد امیدوار ملک محمد اکرم بھٹی 90443 ووٹ لے کے دُوجے نمبر اُتے رہے۔استحکام پاکستان پارٹی(آئی پی پی)دے سربراہ جہانگیر ترین حلقہ این اے 149 توں ہار گئے۔این اے 149 دے غیر حتمی و غیر سرکاری نتائج مطابق تحریک انصاف دے حمایت یافتہ آزاد امیدوار ملک عامر ڈوگر 143613 ووٹ لے کے کامیاب قرار پائے جدکہ سربراہ استحکام پاکستان پارٹی جہانگیر خان ترین 50166 ووٹ ہی لے سکے تے پیپلز پارٹی دے رضوان ہانس 14625 ووٹ لے کے تریجے نمبر اُتے رہے۔لودھراں توں استحکام پاکستان پارٹی(آئی پی پی) دے سربراہ جہانگیر ترین نوں این اے 155 توں وی شکست ہو گئی۔این اے 155 لودھراں 2 دے سارے 369 پولنگ سٹیشناںدے نتجے مطابق مسلم لیگ ن دے صدیق خان بلوچ 117671 ووٹ لے کے کامیاب ہو گئے جدکہ استحکام پاکستان پارٹی (آئی پی پی)دے جہانگیر ترین 71128 ووٹ لے کے دُو جے نمبر اُتے رہے۔این اے 167 بہاولپور 4 دے سارے301 پولنگ سٹیشناں دے غیر حتمی غیر سرکاری نتیجے مطابق مسلم لیگ ن دے محمد عثمان اویسی 78970 ووٹ لے کے کامیاب ہوگئے، آزاد امیدوار ملک عامر یار وارن 42500 ووٹ لے کے دُو جے نمبراُتے رہے۔این اے 195 لاڑکانہ 2 وچ سارے 358 پولنگ سٹیشناں دے غیر سرکاری و حتمی نتیجے مطابق یپپلز پارٹی دے نظیر احمد بھگیو 133830 ووٹ لے کے کامیاب ہو گئے جدکہ گرینڈ ڈیموکریٹک الائنس دے صفدر علی عباسی 48893 ووٹ لے کے دُوجے نمبر اُتے رہے۔قومی اسمبلی دے حلقے این اے 196 قمبر شہداد کوٹ توں سارے 303 پولنگ سٹیشناں دا غیر سرکاری نتیجہ آ گیا۔پاکستان پیپلز پارٹی دے چیئرمین بلاول بھٹو زرداری 85370 ووٹ لے کے کامیاب ہو گئے، جے یو آئی ایف دے ناصر محمود 34499 ووٹ لے کے دُوجے نمبر اُتے رہے۔این اے 195 لاڑکانہ 2 وچ سارے 367 پولنگ سٹیشناں دے غیر سرکاری و حتمی نتیجے مطابق یپپلز پارٹی دے علی گوہر خان 154832 ووٹ لے کے کامیاب ہوئے جدکہ جمعیت علمائے اسلام دے عبدالقیوم 40204 ووٹ لے کے دُوجے نمبر اُتے نیں۔سکھر دے حلقہ این اے 201 دے سارے 300 پولنگ سٹیشناں دے غیر سرکاری تے غیر حتمی نتجے مطابق پیپلز پارٹی دے خورشید شاہ 120219 ووٹ لے کے کامیاب ہو گئے جدکہ جے یو آئی دے صالح انڈھڑ 53302 ووٹاں دے نال دُوجے نمبر اُتے نیں۔این اے 202 خیرپور 1 توں پیپلزپارٹی دی نفیسہ شاہ جت گئیاں، ساریاں305 پولنگ سٹیشناں دے مکمل غیر حتمی غیر سرکاری نتیجے مطابق نفیسہ شاہ 121756 ووٹ لے کے کامیاب قرار پائیاں جدکہ گرینڈ ڈیموکریٹک الائنس دے سید غوث علی شاہ 26745 ووٹ لے کے دُوجے نمبر اُتے رہے۔قومی اسمبلی دے حلقہ این اے 207 وچ سارے346 پولنگ سٹیشناں دے غیر حتمی غیر سرکاری نتجے مطابق سابق صدر آصف زرداری کامیاب قرار پائے نیں۔آصف زرداری نے شہید بینظیر آباد توں این اے 207 دی نشست توں 1 لکھ 46 ہزار 989 ووٹ لے کے کامیاب ہوئے نیں۔آزاد امیدوار سردار شیر محمد رند بلوچ 51 ہزار 916 ووٹ لے کے دُوجے نمبر اُتے رہے۔این اے 216 مٹیاری وچ سارے 320 پولنگ سٹیشناںدے غیرسرکاری و حتمی نتیجے مطابق پیپلز پارٹی دے مخدوم جمیل الزاماں 124536 ووٹ لے کے کامیاب ہوگئے جدکہ مسلم لیگ ن دے بشیر احمد 80439 ووٹ لے کے دُوجے نمبراُتے رہے۔این اے 217 ٹنڈو اللہ یاردے سارے 331 پولنگ سٹیشناں دے غیرحتمی تے غیرسرکاری نتیجے تحت پیپلز پارٹی دے ذوالفقار بچانی 115000 ووٹ لے کے جت گئے، گرینڈ ڈیموکریٹک الائنس دی راحیلہ مگسی 69900 ووٹ لے کے دُوجے نمبر اُتے رہے۔این اے 225 ٹھٹھہ وچ سارے 425 پولنگ سٹیشناں دے غیرسرکاری و حتمی نتجے مطابق پیپلز پارٹی دے صادق علی میمن 14077 ووٹ لے کے کامیاب ہوئے نیں جدکہ مسلم لیگ ن دے رسول بخش جاکھرو 28899 ووٹ لے کے دُوجے نمبر اُتے نیں۔الیکشن کمیشن ولوں جاری غیر حتمی نتیجے مطابق کراچی دے حلقہ این اے 229 ملیر 1 توں پاکستان پیپلز پارٹی دے جام عبدالکریم بجار 55 ہزار 732 ووٹ لے کے کامیاب ہوئے نیں جدکہ مسلم لیگ (ن) دے قادر بخش 21 ہزار 841 ووٹ لے کے دُوجے نمبراُتے رہے۔کراچی دے حلقہ این اے 230 ملیر 2 توں پاکستان پیپلز پارٹی دے امیدوار سید رفیع اللہ 32 ہزار 99 ووٹ لے کے کامیاب ہوئے نیں جدکہ الیکشن کمیشن ولوں جاری غیر حتمی نتیجے مطابق پاکستان راہ حق پارٹی دے حافظ اورنگزیب فاروقی 15 ہزار 593 ووٹ لے کے دُوجے نمبر اُتے رہے۔کراچی دے حلقہ این اے 232 کورنگی 1 توں متحدہ قومی موومنٹ (پاکستان) دی امیدوار آسیہ اسحق 88 ہزار 260 ووٹ لے کے کامیاب ہوئیاں۔الیکشن کمیشن ولوں جاری غیر حتمی نتیجے مطابق جماعت اسلامی دے توفیق الدین صدیقی 41 ہزار 106 ووٹ لے کے دُوجے نمبر اُتے رہے۔غیر سرکاری غیر سرکاری نتیجے مطابق کراچی دے حلقہ این اے 236 ضلع شرقی وچ متحدہ قومی موومنٹ پاکستان دے حسان صابر 38 ہزار 871 ووٹ لے کے کامیاب ہو گئے جدکہ جماعت اسلامی دے اسامہ رضی 21 ہزار 82 ووٹ دے نال دُوجے نمبر اُتے رہے۔الیکشن کمیشن آف پاکستان نے قومی اسمبلی دی پہلی نشست دا سرکاری حتمی نتیجہ جاری کر دتا جس دے مطابق قلات توں قومی اسمبلی دے حلقہ 261 توں بلوچستان نیشنل پارٹی دے اختر مینگل کامیاب ہو گئے۔الیکشن کمیشن دی ویب سائٹ مطابق بلوچستان توں قومی اسمبلی دے حلقہ این اے 261 قلات توں بلوچستان نیشنل پارٹی دے اختر مینگل 3 ہزار 404 ووٹ لے کے کامیاب ہوئے جدکہ پیپلز پارٹی دے سردار ثنا اللہ زہری 2 ہزار 871 ووٹ لے کے دُوجے نمبر اُتے رہے۔ایس حلقے وچ ووٹراںدی کل تعداد 3 لکھ 7 ہزار 143 سی جس وچوں 12 ہزار 204 ووٹراں حق رائے دہی استعمال کیتا، ایس طرح پائے گئے ووٹاں دی شرح 3.97 فیصد رہی۔