ایم کیو ایم وفد دی لیگی قیادت نال ملاقات،مل کے چلن اُتے اصولی اتفاق

لہور(پنجابی میڈیا)متحدہ قومی موومنٹ(ایم کیو ایم)پاکستان دے وفد نے جاتی امرا وچ مسلم لیگ ن دی قیادت نال ملاقات کیتی۔پاکستان مسلم لیگ(ن) دے قائد محمد نوازشریف تے ایم کیوایم دی قیادت دے وچکاراہم سیاسی گل بات ہوئی، پارٹی صدر شہبازشریف، مریم نواز تے ہور لیگی رہنما وی ملاقات وچ رَلتی سن۔ایم کیوایم وفد دی قیادت ڈاکٹر خالد مقبول صدیقی نے کیتی، وفد وچ گورنر سندھ کامران ٹیسوری، ڈاکٹر فاروق ستار، مصطفی کمال وی شامل نیں، ملاقات وچ آئندہ دی سیاسی صورتحال اُتے مشاورت ہوئی۔ذرائع مطابق مسلم لیگ ن تے ایم کیو ایم وفد دے وچکار ہون والی ملاقات دے بعد وفد واپس ٹُرگیا جدکہ دوناں وفداں دے وچکار ہون والی ملاقات50منٹ تک جاری رہی۔