الیکشن وچ مبینہ دھاندلی:بانی پی ٹی آئی دا اج آئی ایم ایف نوں خط لکھن دافیصلہ

اسلام آباد(بیوروروپورٹ)بانی پی ٹی آئی نے الیکشن وچ مبینہ دھاندلی خلاف آئی ایم ایف نوں خط لکھن دافیصلہ کرلیا۔پی ٹی آئی دے رہنما بیرسٹر گوہر علی خان نے میڈیا نال گل بات کردیاںہویاںآکھیا کہ پی ٹی آئی پارلیمنٹ دا حصہ بنے گی تے اپنا کردار ادا کرے گی، پی ٹی آئی دا ہرقدم معیشت دی بہتری لئی ہوئے گا،مینوں بانی پی ٹی آئی نال ملن نہیں دتا گیا،جیہڑے6 لوگ پہلاں توں گئے نیں اونہاں دے علاوہ کسی نوں ملن دی اجازت نہیں اے۔علی ظفر نے گل بات کردیاں ہویاں آکھیا کہ قومی اسمبلی وچ جان توں پہلاں بانی پی ٹی آئی دی ہدایت ضروری اے، بانی پی ٹی آئی نوں افسوس ہویا عدالتی حکم دے باوجود پی ٹی آئی رہنماواں نوں ملن نہیں دتا گیا، الیکشن وچ پری پول تے پوسٹ پول دھاندلی ہوئی۔اونہاں نے ہورآکھیا کہ عوامی مینڈیٹ رات دے ھُنیرے وچ چوری کیتا گیا، بانی پی ٹی آئی اج آئی ایم ایف دے نام خط جاری کرن گے، خط وچ دھاندلی والے ساریاںحلقیاں دے آڈٹ دا آکھیا جائے گا، جس ملک وچ جمہوریت نہیں اوتھے عالمی اداریاں نوں کم نہیں کرنا چاہیدا۔