9مئی مقدمے،بانی پی ٹی آئی دیاں بہناں دی عبوری ضمانت وچ توسیع

لہور(پنجابی میڈیا)انسداد دہشتگردی دی خصوصی عدالت نے 9مئی دے مقدمے وچ بانی پی ٹی آئی دیاں بہناں دی عبوری ضمانت وچ توسیع کردتی۔انسداد دہشتگردی دی خصوصی عدالت دے جج ارشد جاوید نے کیس اُتے سماعت کیتی۔بانی پی ٹی آئی دیاں بہناں علیمہ خان تے عظمی خان عدالت سامنے پیش ہویاں۔عدالت نے دوناں دی عبوری ضمانت وچ12مارچ تک توسیع دا حکم دے دتا۔بانی پی ٹی آئی دیاں دوناں بہناں دے خلاف تھانہ ماڈل ٹائون تے نصیر آباد وچ مقدمے درج نیں۔دُوجے پاسے انسداد دہشتگردی دی خصوصی عدالت وچ بانی پی ٹی آئی دیاں بہناں نال سابق رہنما تحریک انصاف مسرت جمشید چیمہ دی کمرہ عدالت وچ ملاقات ہوئی جیتھے بانی پی ٹی آئی دیاں دونوں بہناں مسرت جمشید چیمہ اُتے برس پئیاں۔