مخلوط حکومت دے ہر فیصلے دے ذمہ دار سب ہون گے،رانا ثنا اللہ

لہور(پنجابی میڈیا)پاکستان مسلم لیگ(ن) پنجاب دت صدررانا ثنا اللہ نے آکھیا اے کہ پیپلز پارٹی وزارتاں لئے یا نہ لئے اوہ ساڈھے نال اے۔پیپلز پارٹی والے اگر ساہنوں وزارت عظمی دا ووٹ دے رہے نیں تے ساڈھے توں صدارت دا ووٹ لے وی رہے نیں،اگر کوئی حکومت بنانا چاہندا اے تے نمبرز پورے کرے تے بنا لئے۔اک انٹر ویو وچ پیپلز پارٹی دی حکومت وچ شامل ہون اُتے ہچکچاہٹ بارے سوال دے جواب وچ رانا ثنا اللہ نے آکھیا کہ مخلوط حکومت دے ہر فیصلے دے ذمہ دار سب ہون گے، بلاول بھٹو کوئی وی وزارت لینا نہیں چا ہندے۔اونہاں نے آکھیا کہ16مہینیاں دے دوران13جماعتاں دے نال حکومت کیتی، شہباز شریف نوں مخلوط حکومت چلان دا تجربہ اے، پہلاں13جماعتاں سن ہُن صرف 3جماعتاں نیں۔رانا ثنا اللہ نے دسیا کہ پیپلز پارٹی نے پنجاب وچ گورنر شپ دا مطالبہ کیتا اے، ایم کیو ایم نوں وی وزارتاں باہمی مشاورت نال دتیاں جان گیاں۔