اسیں ہتھیارپانانہیں سیکھیا،وزارت لین دی بجائے حق اُتے چلاں گے، فضل الرحمان

پشور(بیورورپورٹ)سربراہ جمعیت علمائے اسلام مولانا فضل الرحمان نے آکھیا کہ اسیں ہتھیار پاناسیکھیا نہیں، اسیں وزرات دی کرسی اُتے براجمان ہون دی بجائے حق دے رستے اُتے چلاں گے۔سربراہ جمعیت علمائے اسلام مولانا فضل الرحمان نے مجلس شوری دے اجلاس دے رَلتیاں نال خطاب کردیاں ہویاںآکھیا کہ جے یو آئی نوں ہرایا گیا اے، پہلا آئین1973 وچ بنیا جس وچ ساڈھے وڈھیاں دیاں کافی خدمتاں ہین۔مولانا فضل الرحمان نے آکھیا کہ1973 توں لے کے ہُن تک اک وی قنون سازی اسلامی تعلیم دے مطابق نہیں ہوئی، ہمیشہ ملک دی ترقی دا سوچیا، ساری توانائی ملک دی ترقی اُتے خرچ کیتی اے، جے یو آئی نوں نہ قومیت تے نہ ہی فرقہ واریت دی سیاست کرنی اے۔