کَدی کسی دے کہن اُتے اپنا فیصلہ نہیں بدلیا،چیف جسٹس لہورہائیکورٹ

لہور(پنجابی میڈیا)چیف جسٹس لہور ہائیکورٹ جسٹس محمد امیر بھٹی نے آکھیا اے کہ مینوں اپنے آپ اُتے فخر اے میں کَدی کسی دے کہن اُتے اپنا فیصلہ تبدیل نہیں کیتا۔لہور وچ نویں ججاںدی تقریب نال خطاب کردیاں ہویاں چیف جسٹس لہور ہائیکورٹ محمد امیر بھٹی دا کہنا سی کہ اللہ تعالی انصاف کرن والے لوکاںنوں چُن دا اے، انصاف کرن والے اللہ پاک ولوں چُنے ہوئے لوگ ہُندے نیں۔اونہاں نے آکھیا کہ جج دے ناں دے نال عزت واحترام ہمیشہ منسلک رہندا اے، عزت تے احترام ساہنوں اپنے فیصلیاں دی بدولت برقرار رکھنا ہُندا اے، اسیں اپنے فیصلیاںبارے اللہ پاک دے حضور جوابدہ ہاں، بطور جج ہونا کوئی نوکری نہیں بلکہ ایہ اک آزمائش تے امتحان اے،ساہنوں ساریاں نوں اپنے منصب دی حفاظت کرنی اے۔