امید اے کہ الیکشن کمیشن عوام دیاں اُمنگاں دے مطابق اپنا فیصلہ سنائے گا،بیرسٹرگوہر

اسلام آباد(بیورورپورٹ)رہنما تحریک انصاف بیرسٹر گوہر نے آکھیا اے کہ اُمید اے کہ الیکشن کمیشن عوام دیاں اُمنگاں دے مطابق اپنا فیصلہ سنائے گا۔اسلام آباد وچ میڈیا نال گل بات کردیاں ہویاں بیرسٹر گوہردا کہنا سی کہ عوام نے اپنا فیصلہ 8فروری نوں سُنادتا،الیکشن کمیشن وی عوام دیاں اُمنگاں اُتے اپنا فیصلہ سنائے، الیکشن کمیشن نے اج تک سادھے آئینی تے قنونی حقوق دا تحفظ نہیں کیتا۔اونہاں نے آکھیا کہ اسیں ہروارالیکشن کمیشن دے فیصلے دااحترام کیتا،پی ٹی آئی دے86امیدواراں نے سنی اتحادکونسل نوں جوائن کیتا،خیبرپختونخوا وچ90ایم پی اے سنی اتحاد کونسل وچ شامل ہوئے نیں۔بیرسٹرگوہر داکہنا سی کہ سندھ وچ9ایم پی اے جدکہ پنجاب وچ ساڈھے107ایم پی اے سنی اتحاد کونسل وچ شامل ہوئے۔