مالیاتی امور وچ شفافیت اُتے کوئی سمجھوتہ نہیں ہوئے گا،وزیراعلی مریم نواز

لہور(پنجابی میڈیا)نومنتخب وزیراعلی پنجاب مریم نواز نے آکھیا اے کہ مالیاتی امور وچ شفافیت اُتے کوئی سمجھوتہ نہیں ہوئے گا۔وزیراعلی پنجاب مریم نوازدی زیرصدارت دربارہال سیکرٹریٹ وچ اعلی سطح دااجلاس ہویا جس وچ چیف سیکرٹری زاہد زمان اختر، چیئرمین پی اینڈ ڈی، سیکرٹری ہیلتھ تے سیکرٹری خزانہ نے نومنتخب وزیراعلی نوںمحکمیاں دے افعال کار بارے تفصیلی بریفنگ دتی۔مریم نواز نے اجلاس دے دوران گل بات کردیاں ہویاںآکھیا کہ ڈینگی تے پولیو توں بچن اُتے توجہ دتی جائے، عوام نوں معیاری علاج دی سہولت میسر ہونی چاہیدی،صحت تے ہوراں شعبیاں وچ عوامی افادیت دے منصوبے جاری رکھے جان۔مریم نوازدا کہنا سی کہ خدمت دے جذبے توں سرشار،دیانتدارافسراں نوں سیلوٹ کردی ہاں، میرٹ دی خلاف ورزی کراں گی نہ ہون دیاں گی،کوئی سیاسی بھرتی نہیں ہوئے گی۔