آپریشن سوئفٹ ریٹورٹ:کسی وی جارحیت دا بھرپورجواب دیاں گے،وزیراعظم

اسلام آباد(بیورورپورٹ)آپریشن سوئفٹ ریٹورٹ دے پنج وَرھے مکمل ہون اُتے نگران وزیراعظم انوار الحق کاکڑ نے پیغام جاری کردتا۔اونہاں نے آکھیا کہ اسیں پاکستان دی مسلح فوج دی پیشہ ورانہ مہارت تے عزم نوں خراج تحسین پیش کردے ہاں جنہاں نے اج دے دن بھارت دے دعویاںنوں جھوٹا تے غلط ثابت کردیاں ہویاں اپنی آپریشنل برتری دا عملی مظاہرہ کیتا۔انوار الحق داکہنا سی کہ کسی نوں کجھ شک نہیں ہونا چاہیدا کہ پاکستان اک امن پسند ملک اے جیہڑا اپنی خودمختاری تے علاقائی سالمیت دی حفاظت لئی پرعزم اے، اسیں کسی وی جارحیت دابھرپور جواب دیاں گے۔