ساڈھی پارٹی جتی ہوئی اے فیر وی ساہنوں مخصوص نشستاں نہیں دتیاں جارہیاں،عمران خان

راولپنڈی(بیورورپورٹ)بانی پی ٹی آئی عمران خان نے آکھیا اے کہ صدرپاکستان نے قومی اسمبلی دا اجلاس نہ بلا کے بلکل ٹھیک کیتا، پارٹی جتی ہوئی اے مگر فیر وی ساہنوں مخصوص نشستاں نہیں دتیاں جارہیاں۔اڈیالہ جیل وچ میڈیا نال گل بات کردیاں ہویاں اونہاں نے آکھیا کہ عوامی مینڈیٹ توں وڈھی کوئی چوری نہیں ہوسکدی تے اینہاں لوکاں نے عوام دامینڈیٹ چوری کیتا اے، آئی ایم ایف نوں لکھے جان والے خط نوں ملک نال غداری قرار دتا جا رہیا اے حالانکہ فیٹیف دی قنون سازی کیتی اینہاں ہی لوکاں نے مخالفت کیتی تے مطالبہ کیتا جارہیا سی کہ اونہاں دے کیس ختم کیتے جان۔خط بارے سوال اُتے عمران خان نے آکھیا اے کہ میں جیل توں کوئی وی چیز لکھ کے باہر نہیں گھل سکدا آئی ایم ایف نوں لکھیا جان والا خط میں ڈکٹیٹ کروایا اے۔