مخصوص نشستاں دے فیصلے تک قومی اسمبلی دا اجلاس نہیں ہوسکدا،بیرسٹرگوہر

اسلام آباد(بیورورپورٹ)رہنما پاکستان تحریک انصاف بیرسٹر گوہر علی خان نے آکھیا اے کہ مخصوص نشستاں دے فیصلے تک قومی اسمبلی دااجلاس نہیں ہوسکدا۔میڈیا نال گل بات کردیاں ہویاں بیرسٹر گوہر نے آکھیا کہ پی ٹی آئی امیدواراں نے آزاد حیثیت وچ الیکشن لڑیا، آزاد امیدواراں نے 2 تہائی اکثریت حاصل کیتی،اونہاں نے آکھیا کہ ساڈھے86آزاد ارکان سنی اتحاد کونسل وچ شامل ہوئے سن،سندھ وچ9آزاد ارکان قومی اسمبلی نے سنی اتحاد کونسل نوں جوائن کیتا اے، ساڈھیاں کل 227 سیٹاں بن دیاں نیں، سنی اتحاد کونسل نے 4درخواستاں الیکشن کمیشن نوں دتیاں، الیکشن کمیشن نے81آزاد امیدواراں نوں سنی اتحادکونسل وچ شامل کیتا۔اونہاںنے آکھیاکہ پنجاب وچ107ارکان صوبائی اسمبلی نے سنی اتحاد کونسل وچ شمولیت اختیار کیتی، قنون وچ موجود اے کہ آزاد امیدوار3دناں دے اندراندرکوئی وی سیاسی جماعت جوائن کر سکدا اے۔