شہبازشریف دُوجی واروزیراعظم پاکستان منتخب،قائدایوان دی نشست سنبھال لئی

اسلام آباد(بیورورپورٹ)مسلم لیگ ن دے صدر تے اتحادی جماعتاں دے نامزدامیدوار شہباز شریف دُوجی واراسلامی جمہوریہ پاکستان دے وزیراعظم منتخب ہوگئے، قائد ایوان دی نشست وی سنبھال لئی۔قومی اسمبلی دے 1 گھنٹے لیٹ شروع ہون والے اجلاس دی صدارت سپیکرسردارایازصادق کر رہے نیں،اجلاس دے دوران اراکین قومی اسمبلی نے ووٹنگ ذریعے نویں قائد ایوان دا چناو کیتا۔جے یو آئی دے اراکان وزیراعظم دے چناودی کارروائی دا حصہ نہ بنے تے قومی اسمبلی ہال دے دروازے بند ہون توں پہلاں جے یو آئی دے اراکان ہال توں باہر چلے گئے جدکہ سرداراخترمینگل ایوان وچ بیٹھے رہے تے اونہاں نے کسی نوں وی ووٹ کاسٹ نہیں کیتا۔