موجودہ پارلیمنٹ عوام دی نمائندہ نہیں،مولانا فضل الرحمان

کراچی(بیورورپورٹ)سربراہ جمعیت علما اسلام(ف)مولانا فضل الرحمان نے آکھیا اے کہ موجودہ پارلیمنٹ عوام دی نمائندہ نہیں اے۔کراچی وچ پریس کانفرنس کردیاں ہویاں مولانا فضل الرحمان نے آکھیا اے کہ حالیہ الیکشن2024 وچ جیہڑی دھاندلی ہوئی اوس نے2018 دا ریکارڈ وی توڑدتا،موجود ملکی صورتحال وچ جمہوریت اپنا مقدمہ ہاررہی اے، پارلیمنٹ اپنی اہمیت کھورہی اے، قوم کجھ لوکاں نوں دِلوں تسلیم نہیں کرے گی۔اونہاں داکہنا سی کہ اسیں سیاست وچ کَدی گالم گلوچ نوں ودھا نہیں دتا،اسیں اج وی اپنے موقف اُتے قائم ہاں، اسیں اپنے موقف اُتے رَہ کے سیاست کراں گے، اسیں حالات نوں تسلیم نہیں کردے تے نہ قبول کردے ہاں، اسیںاپنے ردعمل نوں منظم طریقے نال اگے ودھاواں گے، ساڈھا ذاتی جھگڑا کسی دے نال نہیں، اونہاں نے اقتدار دی کرسی نوں ذاتی جاگیر سمجھ لیا اے۔