بلوچستانی عوام اُوکھے ویلے خود نوں تنہا نہ سمجھے،سرفراز بگٹی

گوادر(بیورورپورٹ)وزیراعلی بلوچستان میرسرفرازاحمد بگٹی نے آکھیا کہ بلوچستانی عوام اوکھے ویلے خودنوں تنہا محسوس نہ کرے۔وزیراعلی بلوچستان میرسرفرازاحمد بگٹی نے گوادر دے دورے دے بعد میڈیا نال گل بات کردیاں ہویاں آکھیا کہ حکومت بلوچستان اپنی عوام دے نال کھڑی اے،کل تک گوادرشہرتوں پانی دا نکاس وی ہوجائے گا۔میرسرفراز احمد بگٹی نے آکھیا کہ پاک فوج دے جواناں، پی ڈی ایم اے سنے ہور اداریاں نے مشکل ویلے اپنے سارے وسائل استعمال کر دیاں ہویاں اقدام کیتے نیں، اہلیان گوادر نے ایس مشکل ویلے وچ امدادی اداریاں نال جس طرح تعاون کیتا اوہ قابل ستائش اے۔وزیراعلی بلوچستان نے ہور آکھیا کہ بارشاں تے سیلابی پانی نال سینکڑاں گھراں نوں نقصان پہنچیا، نقصان دے تعین لئی کمیٹی تشکیل دے دتی گئی اے جیہڑے20دناں دے اندرمکمل رپورٹ پیش کرے گی۔