بیرسٹرگوہرچیئرمین، عمرایوب سیکرٹری جنرل پی ٹی آئی دانوٹیفکیشن جاری

اسلام آباد(بیورورپورٹ)پی ٹی آئی انٹراپارٹی الیکشن دے اج حتمی نتیجے دااعلان کردتا گیا،بیرسٹرگوہرچیئرمین ، عمرایوب دے سیکرٹری جنرل دانوٹیفکیشن جاری کردتا گیا۔پی ٹی آئی انٹراپارٹی الیکشن دے نتیجے مطابق علی امین گنڈاپورپی ٹی آئی خیبرپختونخوا دے صدرمنتخب ہوئے، انٹرا پارٹی الیکشن لئی 4درخواستاں جمع کرایاں گئیاں۔ترجمان پی ٹی آئی نے پریس کانفرنس کردیاں ہویاں آکھیا کہ اکبرایس بابرسنے کسی ہور نے کاغذات جمع نہیں کرائے، 4 وچوں سکروٹنی دے بعد3 نوںمنظورکیتاگیا، نوید انجم خان دی درخواست مسترد ہوئی۔اونہاں نے ہورآکھیا کہ اسیں تریجی وارانٹرا پارٹی الیکشن کرائے نیں،سپریم کورٹ نے کجھ گائیڈ لائناں مقررکیتیاں سن اسیں ایسی الیکشن رولز دے مطابق انٹراپارٹی الیکشن کرائے نیں۔واضح رہے پی ٹی الیکشن کمیشن نے پی ٹی آئی انٹرا پارٹی الیکشن کالعدم قرار دے کے تحریک انصاف نوں بلے دے انتخابی نشان لئی نااہل قراردتا سی، ایس فیصلے خلاف تحریک انصاف نے سپریم کورٹ وچ اپیل دائر کیتی سی ، سپریم کورٹ نے الیکشن کمیشن دا فیصلہ برقرار رکھیاسی۔