الیکشن دھاندلی خلاف پرامن احتجاج کرن والیاں اُتے تشدد قابل مذمت اے،سراج الحق

لہور(پنجابی میڈیا)امیر جماعت اسلامی سراج الحق نے آکھیا اے کہ الیکشن وچ دھاندلی خلاف پرامن احتجاج کرن والیاں اُتے تشدد دی مذمت کردے ہاں۔اپنے اک بیان وچ امیر جماعت اسلامی سراج الحق دا کہنا سی کہ عوام نے الیکشن دھاندلی خلاف فردجرم عائد کردتی، پہلاں ووٹ چوری ہندے سن ہُن نتیجے چوری ہُندے نیں، فارم45والے سڑکاں اُتے جدکہ فارم47والے عہدیاں دی بندروَنڈ وچ مصروف نیں۔اونہاں نے آکھیا کہ ملک مضبوط کرن لئی ادارے آئین تے حلف دی پاسداری کرن، بندوق تے ڈنڈے نال بہتری نہیں آئے گی، عوام دا فیصلہ قبول کرنا پئے گا، جعلی الیکشن تے جعلی نتیجے بعد بنن والی حکومت وی جعلی اے۔