بلوچستان وچ مسنگ پرسنز والا معاملہ لازمی حل ہونا چاہیدا اے،خواجہ آصف

اسلام آباد(بیورورپورٹ)ن لیگ دے سینئر رہنما خواجہ آصف نے آکھیا اے کہ بلوچستان وچ لاپتہ افراد والا معاملہ لازمی حل ہونا چا ہیدا اے۔خواجہ آصف نے بلوچستان بارے اسلام آباد وچ میڈیا نال اہم گل بات کردیاں ہویاںآکھیا کہ بلوچستان وچ ہُن رواج تبدیل ہونے چا ہیدے نیں، اوتھے مسنگ پرسنز والا بوہت وڈھا مسئلہ اے جس نوں ضرور حل ہونا چا ہیدااے۔اونہاں نے آکھیا کہ 30،40 ورھیاں توں اقتدار وچ بیٹھے بلوچیاں نوں ہُن عوام دا وی سوچنا چا ہیدا اے، بلوچستان وچ ایہ وی رسم اے کہ اوتھے وڈھے لوکاں نے اپنیاں ذاتی جیلاں وی بنائی ہویاں نیں اونہاں وچ وی لوگ قید نیں۔خواجہ آصف نے ہور آکھیا کہ مینوں کابینہ دارکن ہون توں وَدھ ایس اُتے خوشی اے کہ مینوں پارٹی قیادت نے پارلیمانی لیڈر بنا دتا اے، علی امین گنڈا پور یا کسی وی وزیر اعلی دے کہن اُتے9مئی وچ ملوث افراداُتے فوجداری مقدمے ختم نہیں ہو سکدے۔