مریم نوازدا لہور وچ پنجاب دا پہلا سرکاری کینسر ہسپتال بنان دااعلان

لہو(پنجابی میڈیا)وزیراعلی پنجاب مریم نواز نے لہور دے علاقے ویلنشیا ٹاون دے نیڑے پنجاب دا پہلا سرکاری کینسر ہسپتال بنان دا اعلان کردتا۔وزیراعلی مریم نواز نے ویلنشیا ٹاون دے نیڑے کینسر ہسپتال دی مجوزہ سائٹ دا دورہ کیتا جیتھے اونہاں نے کینسر ہسپتال دی ویب سائٹ بارے بریفنگ دتی گئی۔مریم نواز نے کینسر ہسپتال لئی دنیا بھر توں بہتر ین سپشلائزڈ ڈاکٹر بلان تے مریضوں دے تیمارداراں لئی ہوٹل بنان دی ہدایت کیتی۔دورہ دے موقع اُتے گل بات کردیاں ہویاں وزیراعلی مریم نوازدا کہنا سی کہ پنجاب وچ کینسر دے مریضاں دے علاج لئی سرکاری ہسپتال بناواں گے۔ایس موقع اُتے سابق سینیٹر پرویز رشید، اراکان اسمبلی خواجہ سلمان رفیق، خواجہ عمران نذیر، ثانیہ عاشق تے ڈاکٹر عدنان وی مریم نواز دے نال سن۔چیف سیکرٹری پنجاب، ایس ایم بی آر، سیکرٹری سی اینڈ ڈبلیو، سیکرٹری کو آپریٹو، کمشنر لہور، ڈی سی لہور تے ہور متعلقہ حکام وی ایس موقع اُتے وزیراعلی پنجاب مریم نواز دے نال سن۔