بانی پی ٹی آئی نال ملاقات نہ کران دی توہین عدالت دی درخواست اُتے فریقاںنوں نوٹس

اسلام آباد(بیورورپورٹ)اسلام آباد ہائیکورٹ نے بانی پاکستان تحریک انصاف نال ملاقات نہ کران دی توہین عدالت دی درخواست اُتے فریقاں نوں نوٹس جاری کردیاں ہویاں جواب منگ لیا۔اسلام آباد ہائکورٹ دے جسٹس سردار اعجاز اسحاق خان نے عدالتی حکم دے باوجود وکیلاں دی بانی پی ٹی آئی نال ملاقات نہ کران دی توہین عدالت درخواست اُتے سماعت کیتی۔بانی پی ٹی آئی دے وکیل شیر افضل مروت عدالت ساہمنے پیش ہوئے تے موقف اپنایا کہ جیل جاندے ہاں تے روک دتا جاندا اے، عدالت دا حکم سی لیکن فیر وی ساہنوں ملاقات نہیں کرن دتی جاندی۔بعد وچ عدالت نے فریقیاںنوں نوٹس جاری کر دیاں ہویاں جواب منگ لیا تے کیس دی سماعت آئندہ ہفتے تک لئی ملتوی کردتی۔